Күні: 09/12/2021
Тіл: Ағылшын
Форматы: Онлайн
Төлем талап етілмейді.
Тіркелу мерзімі: 09/12/2021
Барбара Доманн QC
Барбара Доманн ұзақ жылдардан бері коммерциялық құқық саласындағы жетекші баррристер және халықаралық төреші.
Ол 1973 жылы Англия мен Уэльстің Адвокаттар алқасына қабылданып, 1987 жылы Корольдік барристер болып тағайындалды. Ол Лондонның Халықаралық төрелік сотының (LCIA) мүшесі. Б.Доманн ханым LCIA-да, Лондондағы Металдар биржасында (мұнда ол Төрелік және төрелік апелляция жөніндегі комиссияның мүшесі болып табылады), Париждегі Халықаралық сауда палатасында және Гонконгтағы Халықаралықт өрелік орталығында төреші болып тағайындалды. Ол CEDR аккредиттеген медиатор болып табылады.
Оның төрелік тәжірибесі халықаралық бірлескен кәсіпорындар, металл саудасы, мұнай мен газ саудасы, Солтүстік теңізде мұнай ұңғымаларын бұрғылау келісімшарттары, экипажсыз кемелерді жалдау шарттарын түсіндіру, кемелерді ерекше шарттармен жалдау шарттарының болжамды бұзушылықтары, меншік, зияткерлік меншік, құрылыс, трасттар, тауар саудасы, отбасылық қорлар, акционерлердің даулары, компаниялардың бірігуі және қосып алулар, халықаралық спорттық іс-шаралар, БАҚ және ойын-сауық, сондай-ақ сақтандыру және қайта сақтандыру сияқты мәселелер бойынша дауларды шешуді қамтиды.
Ол Бермуд, Гибралтар, Сингапур, Бруней, Гранд-Кайман, Багам аралдары және Британ Виргин аралдары сияқты елдердегі ірі коммерциялық даулар бойынша шетелдік соттарға қатысуда үлкен тәжірибеге ие. Ол Британдық Виргин аралдары Адвокаттар қауымдастығының мүшесі
Ол АҚШ, Ирландия, Франция, Германия, Австрия және Дубайдағы соттарда ағылшын заңнамасы бойынша сарапшылық айғақтар ұсынған.
Ол 1987 жылдан бастап 2001 жылға дейін хаттамашы, 1994 жылдан бастап 2002 жылға дейін Жоғарғы сот судьясының , 2007 жылдан 2017 жылға дейін Катардағы қаржы орталығының халықаралық соты судьясының орынбасары болды.
Ол Лондон металл биржасының Арнайы комитетінің, Халықаралық сот ісін жүргізу құқығы жөніндегі Лорд-канцлердің консультативтік комитетінің, Халықаралық сот ісін жүргізу құқығының ғылыми қоғамдастығының және Германия Заңгерлер қауымдастығының мүшесі.
Ол Майнц (Германия) және Сорбонна (Франция) университеттерінде, сондай-ақ барристерлер даярлайтын британдық мектепте білім алған. Ол ағылшын, неміс, француз және испан тілдерін меңгерген.
Кристофер Кэмпбелл-Холт OBE
Тіркеуші және Аппарат басшысы
Кристофер Кэмпбелл-Холт АХҚО Сотының күнделікті басқаруы мен әкімшілігіне, сондай-ақ сот істерін жүргізуге жауап береді. Ол сондай-ақ АХҚО Сотының шешімдерін орындау жөніндегі судья болып табылады. Ол АХҚО Соты мен Халықаралық арбитраж орталығын бастапқы идеядан бастап, халықаралық деңгейдегі тәуелсіз дауларды шешу институттары ретінде құруды басқарды. Таяу Шығыс, Еуразия, Азия және Оңтүстік Америкада халықаралық қаржы орталықтары мен дауларды шешу жүйелерін дамыту бойынша кеңес беріп келді. Халықаралық құқық саласында 20 жылдан астам тәжірибесі бар. Бұған дейін Катардағы халықаралық қаржы орталығының сотында тіркеуші қызметін атқарған және Norton Rose Fulbright LLP заң фирмасында, сондай-ақ Covington & Burling LLP серіктестігіндегі Таяу Шығыс заң фирмасында жұмыс істеген.
Ол Лондон университеттік колледжінде құқық мамандығын оқыған және Нью-Йорк штатының адвокаттар алқасына қабылданған. Дауларды тиімді шешу орталығының (CEDR) аккредиттелген медиаторы, Арбитрлердің Хартия институтының мүшесі және Директорлар хартия институтының өмірлік мүшесі болып табылады. Бірқатар мекемелердің басқарма мүшесі және/немесе басқарушысы, сондай-ақ бірнеше университетте құрметті және/немесе сырттай профессор болып табылады. Ол мемлекеттік марапаттарға ие болған. 2022 жылы Қазақстан Республикасының Президенті тарапынан Қазақстан азаматтары емес тұлғаларға берілетін ең жоғары мемлекеттік марапат — Достық орденімен, ал 2020 жылы — Жубилейлік медальмен марапатталған.
